ಮುಂಬೈ: ಅವಶ್ಯಕತೆ ಎಲ್ಲಾ ಆವಿಷ್ಕಾರಗಳ ತಾಯಿ ಎಂಬ ಮಾತು ನಿಜ ಎಂದು ಮುಂಬೈನ ವಿದ್ಯಾರ್ಥಿ ಸಾಬೀತುಪಡಿಸಿದ್ದಾರೆ. ವೈದ್ಯೆಯಾಗಿರುವ ತಾಯಿಯ ಅವಕಶ್ಯಕತೆಯನ್ನು ಅರಿತ ನಿಹಾಲ್ ಸಿಂಗ್ ಆದರ್ಶ್ ಎಂಬವರು, ಕೋವ್-ಟೆಕ್ ಹೆಸರಿನ ತಣ್ಣನೆಯ ಅನುಭವ ನೀಡುವ ಪಿಪಿಇ ಕಿಟ್ ಅಳವಡಿಸುವ ವೆಂಟಿಲೇಷನ್ ಸಿಸ್ಟಮ್ ಅಭಿವೃದ್ಧಿಪಡಿಸಿದ್ದಾರೆ.
ಕೊರೊನಾದ ಸಂದಿಗ್ಧ ಸಂದರ್ಭದಲ್ಲಿ ರೋಗಿಗಳಿಗೆ ಚಿಕಿತ್ಸೆ ನೀಡಲು ವೈದ್ಯರು ಹಾಗೂ ವೈದ್ಯಕೀಯ ಸಿಬ್ಬಂದಿಗೆ ಪಿಪಿಇ ಕಿಟ್ ಧರಿಸುವುದು ಅನಿವಾರ್ಯವಾಗಿದೆ. ಕೊರೊನಾ ವಿರುದ್ಧ ಯುದ್ಧದಲ್ಲಿ ಪಿಪಿಇ ಕಿಟ್ ವೈದ್ಯರಿಗೆ ಅತ್ಯಗತ್ಯವಾದ ವಸ್ತುವಾಗಿದೆ. ಆದರೆ ಸತತವಾಗಿ ಪಿಪಿಇ ಕಿಟ್ ಧರಿಸಿ ಕಾರ್ಯ ನಿರ್ವಹಿಸುವ ವೈದ್ಯರು ಸಾಕಷ್ಟು ಸವಾಲುಗಳನ್ನು ಎದುರಿಸುತ್ತಿದ್ದಾರೆ.
ಅಮ್ಮ ಪಡುತ್ತಿದ್ದ ಕಷ್ಟ ನೋಡಲಾಗದೆ ಹೊಸ ಅವಿಷ್ಕಾರಅಂತೆಯೇ ಮುಂಬೈನಲ್ಲಿ ಎರಡನೇ ವರ್ಷದ ಇಂಜಿನಿಯರಿಂಗ್ ಮಾಡುತ್ತಿರುವ ನಿಹಾಲ್ ಅವರ ತಾಯಿ ಡಾ. ಪೂನಮ್ ಕೌರ್ ಆದರ್ಶ್ ಕೂಡ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಿದ್ದರು.
ಪ್ರತಿದಿನ ಕೊರೊನಾ ರೋಗಿಗಳಿಗೆ ಚಿಕಿತ್ಸೆ ನೀಡಿ ಮನೆಗೆ ವಾಪಸ್ ಆದ ಬಳಿಕ ತನ್ನಂತೆ ವೈದ್ಯರು ಪಿಪಿಇ ಕಿಟ್ ಧರಿಸಲು ಎದುರಿಸುತ್ತಿರುವ ಸಮಸ್ಯೆಗಳನ್ನು ಮಗನಿಗೆ ಹೇಳುತ್ತಿದ್ದರು. ತಾಯಿಯ ಮಾತುಗಳನ್ನು ಆಲಿಸಿದ 19 ವರ್ಷದ ನಿಹಾಲ್, ಹೇಗಾದ್ರೂ ಮಾಡಿ ಅಮ್ಮನ ಸಮಸ್ಯೆಗೆ ಪರಿಹಾರ ಹುಡುಕಬೇಕೆಂದು ಯೋಚಿಸಿದ್ರು.
ಇದು ನಿಹಾಲ್ ಕೋವಿಡ್ ಸಂಬಂಧಿತ ಸಾಧನಗಳ ವಿನ್ಯಾಸ ಅಭಿವೃದ್ಧಿಯ ಬಗ್ಗೆ ರಿಸರ್ಚ್ ಇನ್ನೋವೇಶನ್ ಇನ್ಕ್ಯುಬೇಷನ್ ಡಿಸೈನ್ ಲ್ಯಾಬೊರೇಟರಿ ಏರ್ಪಡಿಸಿದ್ದ ಟೆಕ್ನಾಲಜಿಕಲ್ ಬ್ಯುಸಿನೆಸ್ ಇನ್ಕ್ಯುಬೇಟರ್ ಸಭೆಯಲ್ಲಿ ಭಾಗವಹಿಸಲು ಕಾರಣವಾಗಿತ್ತು.
100 ಸೆಕಂಡ್ಗಳಲ್ಲಿ ಪಿಪಿಇ ಕಿಟ್ ಒಳಗೆ ಗಾಳಿ ವ್ಯವಸ್ಥೆ..!ತಾವು ಅಭಿವೃದ್ಧಿಪಡಿಸಿರುವ ಕೂಲ್ ಪಿಪಿಇ ಕಿಟ್ ಕುರಿತು ಮಾತನಾಡಿರುವ ನಿಹಾಲ್, ಕೋಚ್-ಟೆಕ್ ವೆಂಟಿಲೇಷನ್ ವ್ಯವಸ್ಥೆ ಪಿಪಿಇ ಸೂಟ್ ಧರಿಸುವ ಅನುಭವವನ್ನು ಸಂಪೂರ್ಣವಾಗಿ ಬದಲಿಸುತ್ತದೆ. ಪಿಪಿಇ ಕಿಟ್ ಧರಿಸಿದರು ಸುಲಭವಾಗಿ, ಉತ್ತಮವಾಗಿ ಫ್ಯಾನ್ ಕೆಳಗೆ ಕುಳಿತಿರುವಂತಹ ಅನುಭವ ಆಗುತ್ತದೆ. ಸಾಮಾನ್ಯವಾಗಿ ಪಿಪಿಇ ಕಿಟ್ ಧರಿಸಿದರೆ ವಿಪರೀತ ಸೆಕೆ, ಬೆವರಿನಿಂದ ಸಮಸ್ಯೆಯಾಗುತ್ತದೆ.
ಈ ಸಮಸ್ಯೆ ದೂರ ಮಾಡಲು ನಾವು ಹೊಸ ಅವಿಷ್ಕಾರ ಮಾಡಿದ್ದೇವೆ. ಇದರಿಂದ ಸೂಟ್ ಧರಿಸಿರುವವರಿಗೆ ಕ್ರಮಬದ್ಧವಾಗಿ ಗಾಳಿ ಬೀಸುವಂತೆ ಮಾಡಿದ್ದೇವೆ. ಧರಿಸಿದ 100 ಸೆಕೆಂಡ್ಗಳಲ್ಲಿ ಸೂಟ್ ಧರಿಸಿದವರಿಗೆ ಗಾಳಿ ಲಭ್ಯವಾಗುವಂತೆ ವ್ಯವಸ್ಥೆ ಮಾಡಿದ್ದೇವೆ. ಪಿಪಿಇ ಕಿಟ್ಗೆ ಇದನ್ನ ಸುಲಭವಾಗಿ ಅಳವಡಿಸಿಕೊಳ್ಳಬಹುದು ಎಂದು ತಿಳಿಸಿದ್ದಾರೆ.