ಕನ್ನಡದ ಹುಡುಗ ಬಾಲಿವುಡ್ ಸ್ಟೇಜ್ ಮೇಲೆ ಸಖತ್ ಸದ್ದು ಮಾಡ್ತಿರೋದು ತುಂಬಾ ವಿಷಯ ಆದರೆ, ಬಾಲಿವುಡ್ ನೆಲದಲ್ಲಿ ಕರ್ನಾಟಕದ ಕಲೆಯನ್ನು ಎತ್ತಿ ತೋರಿಸುವುದು ಸಾಮಾನ್ಯ ವಿಷಯವಲ್ಲ. ಆದರೆ ಇದು ಸಾಧ್ಯವಾಗಿದೆ. ಮಲೆನಾಡಿನ ಚಿಕ್ಕಮಗಳೂರು ಹುಡುಗ ಕಿಶನ್, ಈ ಮುಂಚೆ ಬಿಗ್ಬಾಸ್ ಸೀಸನ್ 7ರ ಕಂಟೆಸ್ಟೆಂಟ್ ಆಗಿ ಸಖತ್ ಸದ್ದು ಮಾಡಿದ್ರು. ಕನ್ನಡಕ್ಕೆ ಕಿಶನ್ ಏನು ಅನ್ನೋದು ಬಿಗ್ಬಾಸ್ ವೇದಿಕೆಯಲ್ಲಿ ತಿಳಿಯಿತು. ಕಿಶನ್ ಒಬ್ಬ ಸೂಪರ್ ಡ್ಯಾನ್ಸರ್ ಅನ್ನೋದು ಎಲ್ಲರಿಗೂ ಗೊತ್ತು. ಸಾಕಷ್ಟು ಕಾಂಪಿಟೇಷನ್ಗಳಲ್ಲಿ ಭಾಗಿಯಾಗಿ ವಿನ್ ಆಗಿದ್ದಾರೆ.
ಹಿಂದಿಯ ಟಾಪ್ ಡ್ಯಾನ್ಸ್ ರಿಯಾಲಿಟಿ ಶೋ ‘ಡ್ಯಾನ್ಸ್ ದಿವಾನೆ’ ವಿನ್ನರ್ ಪಟ್ಟವನ್ನು ಕೂಡ ಮುಡಿಗೇರಿಸಿಕೊಂಡಿದ್ರು. ಇದೀಗ ಮತ್ತೆ ಕಿಶನ್ ಡ್ಯಾನ್ಸ್ ‘ದಿವಾನೆ ಸೀಸನ್ 3’ ಮೆಟ್ಟಿಲೇರಿದ್ದಾರೆ. ವಿಶೇಷ ಅಂದ್ರೆ ಕಿಶನ್ ನಮ್ಮ ಕರ್ನಾಟಕ ಜನ ಮೆಚ್ಚಿದ ಕಲೆ ಯಕ್ಷಗಾನವನ್ನು ಪ್ರದರ್ಶನ ಮಾಡಿದ್ದಾರೆ. ಈ ಡ್ಯಾನ್ಸ್ ನೋಡಿ ಗಣೇಶ್, ಆಚಾರ್ಯ, ನಟ ಗೋವಿಂದ ಖುಷಿಪಟ್ಟಿದ್ದಾರೆ. ತೀರ್ಪುಗಾರರು ಫಿದಾ ಆದರು. ಕನ್ನಡದ ಕಲೆಯನ್ನು ಬಾಲಿವುಡ್ ಜನಕ್ಕೆ ಮತ್ತೊಮ್ಮೆ ನೊಡುವಂತೆ ಮಾಡಿದಕ್ಕೆ ಕಿಶನ್ ಬಗ್ಗೆ ಕನ್ನಡ ಜನರು ಸಂತಸ ಪಟ್ಟಿದ್ದಾರೆ.
