- Advertisement -
- Advertisement -
ಅಗರ್ತಲಾ: ಬಣ್ಣದ ಹಬ್ಬ ಹೋಳಿ ಆಚರಿಸಲು ಸ್ನೇಹಿತರ ಜತೆ ತೆರಳಿದ್ದ 2 ಬಾಲಕಿಯರ ಮೇಲೆ 8 ಮಂದಿ ಯುವಕರು ಸಾಮೂಹಿಕ ಅತ್ಯಾಚಾರ ನಡೆಸಿದ್ದಾರೆ.
ತ್ರಿಪುರದ ಕೊವಾಯಿ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. 14 ವರ್ಷ ಪ್ರಾಯದ ಇಬ್ಬರು ಬಾಲಕಿಯರು ಪರಿಚಯದ ಯುವಕರ ಜತೆ ಹೋಳಿ ಆಚರಿಸಲು ತೆರಳಿದ್ದ ವೇಳೆ ಈ ಕೃತ್ಯ ಎಸಗಲಾಗಿದೆ. ಎಲ್ಲ ಆರೋಪಿಗಳು 18 ರಿಂದ 25 ವರ್ಷದೊಳಗಿನವರಾಗಿದ್ದಾರೆ ಎಂದು ತಿಳಿದುಬಂದಿದೆ.
ಮಾರ್ಚ್ 29ರಂದು ಮನೆಯಿಂದ ತೆರಳಿದ್ದ ಈ ಬಾಲಕಿಯರು ಅಂದು ಮನೆಗೆ ಬಂದಿರಲಿಲ್ಲ. ಮರುದಿನ ಮನೆಗೆ ತಲುಪಿದ ಅವರು ಪೋಷಕರ ಬಳಿ ಘಟನೆಯ ಬಗ್ಗೆ ಮಾಹಿತಿ ನೀಡಿದರು. ಇದೀಗ ಬಾಲಕಿಯರನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ.
- Advertisement -