ನವದೆಹಲಿ: ಇನ್ನು ಮುಂದೆ ಜನರು ತಮ್ಮ ಎಲ್ಪಿಜಿ ಗ್ಯಾಸ್ಗಳನ್ನು ಯಾವುದೇ ಎಲ್ಪಿಜಿ ಏಜೆನ್ಸಿಯಿಂದ ರೀಫಿಲ್ ಮಾಡಿಸಿಕೊಳ್ಳಲು ಕೇಂದ್ರ ಸರ್ಕಾರ ಅವಕಾಶ ನೀಡಿದೆ.
ಒಂದು ಗ್ಯಾಸ್ ಡಿಸ್ಟ್ರಿಬ್ಯೂಟರ್ನಿಂದ ರೀಫಿಲ್ ಮಾಡಿಸಿಕೊಳ್ಳಲು ನಿಮಗೆ ಸಮಸ್ಯೆಯಿದ್ದಲ್ಲಿ ಅಥವಾ ಅವರು ನಿಮಗೆ ಸರಿಯಾಗಿ ಸ್ಪಂದಿಸುತ್ತಿಲ್ಲವಾದಲ್ಲಿ ನೀವು ಬೇರೊಂದು ಡಿಸ್ಟ್ರಿಬ್ಯೂಟರ್ನಿಂದ ಎಲ್ಪಿಜಿ ಗ್ಯಾಸ್ ರೀಫಿಲ್ ಮಾಡಿಸಿಕೊಳ್ಳಬಹುದಾಗಿದೆ.
ಬಹಳ ಹಿಂದಿನಿಂದಲೂ ಈ ಕುರಿತು ಚರ್ಚೆಗಳು ನಡೆಯುತ್ತಿದ್ದವು. ಸದ್ಯ ಕೇಂದ್ರ ಸರ್ಕಾರ ಇದಕ್ಕೆ ಅನುಮತಿ ನೀಡಿದೆ. ಇದರಿಂದಾಗಿ ಗ್ರಾಹಕರು ತಾವು ಯಾವ ಡಿಸ್ಟ್ರಿಬ್ಯೂಟರ್ನಿಂದ ಗ್ಯಾಸ್ ರೀಫಿಲ್ ಮಾಡಿಸಿಕೊಳ್ಳಬೇಕೆಂದು ಆಯ್ಕೆ ಮಾಡಿಕೊಳ್ಳಲು ಸ್ವಾತಂತ್ರ್ಯ ಸಿಕ್ಕಂತಾಗುತ್ತದೆ.
ಪ್ರಾರಂಭಿಕ ಹಂತದಲ್ಲಿ ಚಂಡೀಘಡ, ಕೊಯಂಬತ್ತೂರ್, ಗುರ್ಗಾಂವ್, ಪುಣೆ ಮತ್ತು ರಾಂಚಿಯಲ್ಲಿ ಈ ಯೋಜನೆಯನ್ನ ಜಾರಿಗೆ ತರಲಾಗ್ತಿದೆ.
ಇನ್ನು ಮುಂದೆ ಗ್ರಾಹಕರು ಮೊಬೈಲ್ ಆ್ಯಪ್ ಅಥವಾ ಕಸ್ಟಮರ್ ಪೋರ್ಟಲ್ನಲ್ಲಿ ಗ್ಯಾಸ್ ರೀಫಿಲ್ಗೆ ಲಾಗಿನ್ ಮಾಡಿದಾಗ ಅವರಿಗೆ ಡೆಲಿವರಿ ಡಿಸ್ಟ್ರಿಬ್ಯೂಟರ್ಗಳ ಪಟ್ಟಿ ತೆರೆದುಕೊಳ್ಳುತ್ತದೆ. ಜೊತೆಗೆ ಅವುಗಳ ಸೇವೆಗೆ ತಕ್ಕಂತೆ ರೇಟಿಂಗ್ ಕೂಡ ಕಾಣಿಸಲಿದೆ.
ಇದನ್ನ ಆಧರಿಸಿ ತಮಗೆ ಬೇಕಾದ ಡಿಸ್ಟ್ರಿಬ್ಯೂಟರ್ನ್ನು ಗ್ರಾಹಕರು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಇದರಿಂದ ಡಿಸ್ಟ್ರಿಬ್ಯೂಟರ್ಗಳೂ ಸಹ ತಮ್ಮ ಸೇವೆಯನ್ನ ಮತ್ತಷ್ಟು ಸುಧಾರಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.
