ಉತ್ತರ ಪ್ರದೇಶ: ಸುಮಾರು 100 ವರ್ಷಗಳ ಹಿಂದೆ ವಾರಣಾಸಿಯಿಂದ ಕದ್ದೊಯ್ದು ಕೆನಡಾಗೆ ಕೊಂಡೊಯ್ಯಲಾಗಿದ್ದ ಅನ್ನಪೂರ್ಣ ದೇವಿಯ ವಿಗ್ರಹವನ್ನು ಇಂದು ಉತ್ತರ ಪ್ರದೇಶ ಸರ್ಕಾರ ವಾಪಾಸ್ ಪಡೆಯಲಿದೆ.
18ನೇ ಶತಮಾನದ ಕಲ್ಲಿನಿಂದ ನಿರ್ಮಾಣವಾದ ಅನ್ನಪೂರ್ಣ ದೇವಿಯ ಶಿಲ್ಪ ಇದಾಗಿದ್ದು, ಇದನ್ನು ಕೆನಡಾದಿಂದ ರಾಷ್ಟ್ರ ರಾಜಧಾನಿಗೆ ತರಲಾಗಿದೆ. ಈ ಕಲ್ಲಿನ ವಿಗ್ರಹವು 17 ಸೆಂಟಿ ಮೀಟರ್ ಎತ್ತರ, 9 ಸೆಂಟಿ ಮೀಟರ್ ಅಗಲ ಹಾಗೂ 4 ಸೆಂಟಿ ಮೀಟರ್ ದಪ್ಪವಿದೆ.
ಸದ್ಯ ದೆಹಲಿಯಲ್ಲಿರುವ ಈ ವಿಗ್ರಹವನ್ನು ಕೆಲವೇ ಸಮಯಗಳಲ್ಲಿ ಅಲಿಘರ್ಗೆ ಕೊಂಡೊಯ್ಯಲಾಗುತ್ತದೆ. ಅಲ್ಲಿಂದ ವಿಗ್ರಹವನ್ನು ನಾಳೆ ಕಣೌಜ್ಗೆ ಕೊಂಡೊಯ್ಯಲಾಗುತ್ತದೆ. ಇದಾದ ಬಳಿಕ ನವೆಂಬರ್ 14ರಂದು ಅಯೋಧ್ಯಾಗೆ ಸಾಗಿಸಲಾಗುತ್ತದೆ.
ನವೆಂಬರ್ 15ರಂದು ವಾರಣಾಸಿಯ ಕಾಶಿ ವಿಶ್ವನಾಥ ದೇಗುಲದಲ್ಲಿ ಸಕಲ ಸಂಪ್ರದಾಯದಂತೆ ಪ್ರತಿಮೆ ಅನುಷ್ಟಾನಗೊಳ್ಳಲಿದೆ. ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್ ನವೆಂಬರ್ 15ರಂದು ಕಾಶಿ ವಿಶ್ವನಾಥ ದೇಗುಲದಲ್ಲಿ ವಿಗ್ರಹ ಪ್ರತಿಷ್ಠಾಪನೆ ಕಾರ್ಯ ನೆರವೇರಿಸಲಿದ್ದಾರೆ.
