ಉಪ್ಪಳ: ಸ್ಪೋರ್ಟ್ಸ್ ಬಟ್ಟೆ ಖರೀದಿಸಿ ಟ್ರೈಯಲ್ ರೂಮ್ ಗೆ ತೆರೆಳಿದ ಯುವತಿಯ ಬಟ್ಟೆ ಬದಲಾಯಿಸುವ ದೃಶ್ಯ ಸೆರೆ ಹಿಡಿಯಲು ಯತ್ನ; ನೌಕರನ ಬಂಧನ, ಪೋಕ್ಸೊ ಪ್ರಕರಣ ದಾಖಲು

ಕಾಸರಗೋಡು: ಸ್ಪೋರ್ಟ್ಸ್ ಬಟ್ಟೆ ಖರೀದಿಸಿ ಅಳತೆ ಅಂದಾಜಿಸಲು ಟ್ರೈಯಲ್ ರೂಮ್ ಗೆ ತೆರೆಳಿದ ಯುವತಿ ಬಟ್ಟೆ ಬದಲಾಯಿಸುವ ದೃಶ್ಯವನ್ನು ರಹಸ್ಯವಾಗಿ ಸೆರೆ ಹಿಡಿಯಲು ಯತ್ನಿಸಿದ ಅಂಗಡಿ ನೌಕರನೊಬ್ಬನನ್ನು ಕುಂಬಳೆ ಪೊಲೀಸರು ಬಂಧಿಸಿ ಪೋಕ್ಸ್‌ ಪ್ರಕರಣ ದಾಖಲಿಸಿರುವ ಘಟನೆ ನಡೆದಿದೆ.

ಬಟ್ಟೆ ಖರೀದಿಸಲು ಯುವತಿಯೊಬ್ಬಳು ತನ್ನಸಂಬಂಧಿಕರೊಂದಿಗೆ ಸ್ಪೋರ್ಟ್ಸ್ ಡ್ರೆಸ್ ಅಂಗಡಿಗೆಬಂದಿದ್ದು, ಈ ವೇಳೆ ಡ್ರೆಸ್ ಅಳತೆ ನೋಡಿ ಕೊಂಡು ಬನ್ನಿಎಂದು ಟ್ರೈಯಲ್ ರೂಮ್‌ಗೆ ನೌಕರ ಕಳುಹಿಸಿ ಈ ವೇಳೆತನ್ನ ಮೊಬೈಲ್ ಇರಿಸಿ ಯುವತಿ ಡ್ರೆಸ್ ಬದಲಾಯಿಸುವದೃಶ್ಯವನ್ನು ಸೆರೆ ಹಿಡಿಯಲು ಯತ್ನಿಸಿದ್ದಾನೆ.

ಆದರೆ ಇದನ್ನು ಗಮನಿಸಿ ಯುವತಿ ಈ ಬಗ್ಗೆ ಪ್ರಶ್ನಿಸಿ ಆರೋಪಿ ವಿರುದ್ಧ ಕುಂಬಳೆ ಪೊಲೀಸರಿಗೆ ದೂರು ನೀಡಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.