‘ಶಿವಾಂಗಿ’ ಕೈಯಲ್ಲಿ ‘ರಫೇಲ್’

ಭಾರತೀಯ ವಾಯುಪಡೆಯ ರಫೇಲ್ ಯುದ್ಧವಿಮಾನದ ಪ್ರಥಮ ಮಹಿಳಾ ಪೈಲಟ್ ಆಗಿ ​ಫ್ಲೈಟ್​​​ ಲೆಫ್ಟಿನೆಂಟ್​​ ಶಿವಾಂಗಿ ಸಿಂಗ್ ಆಯ್ಕೆಯಾಗಿದ್ದಾರೆ.

2017ರಲ್ಲಿ ಭಾರತೀಯ ವಾಯುಪಡೆಗೆ ಸೇರ್ಪಡೆಯಾದ ಶಿವಾಂಗಿ ಸಿಂಗ್ ಯುದ್ಧವಿಮಾನಗಳ ಹಾರಾಟ ಮತ್ತು ಸಮರ ಕೌಶಲ್ಯದಲ್ಲಿ ವಿಶೇಷ ಪರಿಣಿತಿ ಪಡೆದಿದ್ದಾರೆ. ಸದ್ಯ ಶಿವಾಂಗಿ ಸಿಂಗ್​ ಹರಿಯಾಣದ ಅಂಬಾಲ ವಾಯುನೆಲೆಗೆ ಆಗಮಿಸಿದ್ದು, ಹೊಸ ರಫೇಲ್ ಜೆಟ್ ಹಾರಾಟದ ಬಗ್ಗೆ ಸಮಗ್ರ ತರಬೇತಿ ಪಡೆಯಲಿದ್ದಾರೆ.

ವಾರಣಾಸಿ ಮೂಲದ ಶಿವಾಂಗಿ ಸಿಂಗ್‌ ರಫೇಲ್​ ಯುದ್ಧವಿಮಾನ ಹಾರಿಸುವ ದೇಶದ ಮೊದಲ ಮಹಿಳೆಯಾಗಲಿದ್ದಾರೆ.