ಭಾರತೀಯ ಟೆಲಿಕಾಂ ಕಂಪೆನಿಗಳ ದರ ಸಮರ ಮುಂದುವರೆದಿದೆ. ಏರ್ಟೆಲ್ ಹಾಗೂ ಜಿಯೋ ತಮ್ಮ ಪ್ಲ್ಯಾನ್ಗಳಲ್ಲಿ ಕೆಲ ಬದಲಾವಣೆ ಮಾಡಿದರೆ, ಇತ್ತ ಸರ್ಕಾರಿ ಸೌಮ್ಯದ ಬಿಎಸ್ಎನ್ಎಲ್ (BSNL) ತಮ್ಮ ಗ್ರಾಹಕರಿಗೆ ಭರ್ಜರಿ ಆಫರ್ ನೀಡುತ್ತಿದೆ. ಇದೀಗ ಕಂಪೆನಿಯು ನಾಲ್ಕು ತಿಂಗಳ ವಾಲಿಡಿಟಿಯ ರೀಚಾರ್ಜ್ ಪ್ಲ್ಯಾನ್ವೊಂದನ್ನು ಪರಿಚಯಿಸಿದೆ. ಅಂದರೆ ಇದೇ ಮೊದಲ ಬಾರಿ ಕಂಪೆನಿಯೊಂದು 4 ತಿಂಗಳ ವಾಲಿಡಿಟಿಯ ರೀಚಾರ್ಜ್ ಯೋಜನೆಯನ್ನು ಗ್ರಾಹಕರ ಮುಂದಿಟ್ಟಿದೆ. ಏರ್ಟೆಲ್ ಮತ್ತು ವಿಐ ಕಂಪನಿಗಳು 28, 56, 84, 180 ರ ನಂತರ ನೇರವಾಗಿ 365 ದಿನಗಳ ವಾಲಿಡಿಟಿಯ ಯೋಜನೆಗಳನ್ನು ನೀಡುತ್ತಿವೆ. ಆದರೆ ಬಿಎಸ್ಎನ್ಎಲ್ 120 ದಿನಗಳ ವಾಲಿಡಿಟಿ ರಿಚಾರ್ಜ್ ಮೂಲಕ ಗ್ರಾಹಕರಿಗೆ ಅತ್ಯಾಕರ್ಷಕ ಆಫರ್ಗಳನ್ನು ನೀಡಲು ಮುಂದಾಗಿದೆ. ಹಾಗಿದ್ರೆ ಈ ರಿಚಾರ್ಜ್ ಪ್ಲ್ಯಾನ್ ವಿಶೇಷತೆಗಳೇನು ನೋಡೋಣ.
BSNL ಪರಿಚಯಿಸಿರುವ ಈ ಪ್ಲ್ಯಾನ್ನ ರಿಚಾರ್ಜ್ ಮೊತ್ತ 666 ರೂ. ಈ ಮೊತ್ತ ರಿಚಾರ್ಜ್ ಮಾಡಿದ್ರೆ ಗ್ರಾಹಕರಿಗೆ 120 ದಿನಗಳ ವಾಲಿಡಿಟಿ ಜೊತೆಗೆ ಹಲವು ಸೇವೆಗಳು ದೊರಕಲಿದೆ. ಅಂದರೆ ಈ ಪ್ಲ್ಯಾನ್ ಮೂಲಕ ಗ್ರಾಹಕರು ಅನಿಯಮಿತವಾಗಿ ಕರೆ ಮಾಡಬಹುದು. ಹಾಗೆಯೇ ಪ್ರತಿದಿನ 100 ಎಸ್ಎಂಎಸ್ಗಳನ್ನು ಉಚಿತವಾಗಿ ಕಳುಹಿಸಬಹುದು. ಇದರ ಜೊತೆಗೆ 240 ಜಿಬಿ ಉಚಿತ ಡೇಟಾ ಕೂಡ ಸಿಗಲಿದೆ. ಅಂದರೆ ಪ್ರತಿದಿನ ಗ್ರಾಹಕರಿಗೆ 2 ಜಿಬಿ ಡೇಟಾ ಬಳಸಿಕೊಳ್ಳಬಹುದು. ಅದರಂತೆ ಒಟ್ಟು 240 ಜಿಬಿ ಡೇಟಾವನ್ನು 120 ದಿನಗಳವರೆಗೆ ನೀಡಲಿದೆ.
ಇನ್ನೂ ಬಿಎಸ್ಎನ್ನಲ್ಲಿ 447 ರೂ. ಗಳ ಪ್ರಿಪೇಯ್ಡ್ ಪ್ಲ್ಯಾನ್ ಅನ್ನು ಕೂಡ ಮುಂದುವರೆಸಿದ್ದು, ಇದು ಗ್ರಾಹಕರಿಗೆ 100GB ಡೇಟಾ ಆಫರ್ ನೀಡುತ್ತಿದೆ. ಅದರ ಜತೆಗೆ ದಿನಕ್ಕೆ 100 ಎಸ್ಎಮ್ಎಸ್ ಹಾಗೂ ಅನಿಯಮಿತ ಕರೆ ಸೌಲಭ್ಯವು ಇದರಲ್ಲಿದೆ. ಈ ಪ್ಲ್ಯಾನ್ನ ವಾಲಿಟಿಡಿ 60 ದಿನಗಳು.