ಮಂಗಳೂರಿನ ಯುವ ನಿರ್ದೇಶಕ ಸಾರ್ಥಕ್ ಹೆಗ್ಡೆ ನಿರ್ದೇಶನದ ಗ್ರೀನ್ ಗರ್ಲ್ ಸಿನಿಮಾ ಸೆ. 12 ರಂದು ತೆರೆಗೆ ಬರಲಿದೆ. ಬಹುತೇಕ ಹೊಸಬರೇ ಕೂಡಿರುವ ಈ ಚಿತ್ರವನ್ನು ಕೆಆರ್ಜಿ ಸಂಸ್ಥೆ ರಾಜ್ಯಾದ್ಯಂತ ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಈಗಾಗಲೇ ಟ್ರೇಲರ್ ಮೂಲಕ ಒಂದಷ್ಟು ಗಮನ ಸೆಳೆದಿರುವ ‘ಗ್ರೀನ್ ಗರ್ಲ್’, ಇದೀಗ ಪ್ರೇಕ್ಷಕರನ್ನು ಎದುರುಗೊಳ್ಳಲು ಸಜ್ಜಾಗುತ್ತಿದೆ.
ಜಾತಿ, ಧರ್ಮ ಮೊದಲಾದ ಸೂಕ್ಷ್ಮ ಸಂಗತಿಗಳನ್ನು ಆಧರಿಸಿ ಕನ್ನಡದಲ್ಲಿ ಸಿನಿಮಾ ಮಾಡುವುದು ತೀರಾ ವಿರಳ. ಆದರೆ, ನಿರ್ದೇಶಕ ಸಾರ್ಥಕ್ ಹೆಗ್ಡೆ ‘ಗ್ರೀನ್ ಗರ್ಲ್’ ಮೂಲಕ ದೊಡ್ಡ ಮಟ್ಟದಲ್ಲಿ ಧೈರ್ಯ ಮಾಡಿದ್ದಾರೆ. ಈಗಾಗಲೇ ರಿಲೀಸ್ ಆಗಿರುವ ಟ್ರೇಲರ್ ನೋಡಿದವರು ಮೆಚ್ಚುಗೆ ವ್ಯಕ್ತಪಡಿಸುವುದರ ಜತೆಗೆ ಚಿತ್ರತಂಡದ ಪ್ರಯತ್ನವನ್ನೂ ಶ್ಲಾಘಿಸಿದ್ದಾರೆ.
ಎಕ್ಕಾದಿಂದ ಹೊಸದಾಗಿ ಆರಂಭವಾದ ಕೆಆರ್ಜಿ ಸ್ಟುಡಿಯೋಸ್, ಯುವ ಚಲನಚಿತ್ರ ನಿರ್ಮಾಪಕ ಸಾರ್ಥಕ್ ಹೆಗ್ಡೆ ನಿರ್ದೇಶನದ ಗ್ರೀನ್ ಗರ್ಲ್ ಚಿತ್ರದಲ್ಲಿ ಮಯೂರ್ ಗೌಡ, ಸುಚರಿತ, ಸುದರ್ಶನ ಆಚಾರ್ಯ ಯೆಕ್ಕಾರ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.
ಮೂಲತಃ ಮಂಗಳೂರಿನ ಸಾರ್ಥಕ್ ಹೆಗ್ಡೆ ಭಾರತೀಯ ಸಿನಿಮಾದಲ್ಲಿ ತಮ್ಮ ಹೈಪರ್-ಸ್ಟೈಲೈಸ್ಡ್, ಧೈರ್ಯಶಾಲಿ ಮತ್ತು ಪ್ರಚೋದನಕಾರಿ ಕಥೆ ಹೇಳುವಿಕೆಗೆ ಹೆಸರುವಾಸಿಯಾದ ಚಲನಚಿತ್ರ ನಿರ್ಮಾಪಕ ಮತ್ತು ಬರಹಗಾರ. ಲಾಸ್ ಏಂಜಲೀಸ್ನ ನ್ಯೂಯಾರ್ಕ್ ಫಿಲ್ಮ್ ಅಕಾಡೆಮಿಯಲ್ಲಿ ಚಲನಚಿತ್ರ ನಿರ್ಮಾಣದಲ್ಲಿ ಲಲಿತಕಲೆಗಳನ್ನು ಅಧ್ಯಯನ ಮಾಡಿದ ಸಾರ್ಥಕ್ ಹೆಗ್ಡೆ ಇದೀಗ ಗ್ರೀನ್ ಗರ್ಲ್’ ಎನ್ನುವ ಹೊಸ ಕಥೆಯೊಂದಿಗೆ ಭಾರತೀಯ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ.
ಸಾರ್ಥಕ್ ಹೆಗ್ಡೆ ಜೊತೆಗೆ ಟ್ರಿಕೊ ಮತ್ತು ಮನೀಶ್ ಕುಮಾರ್ ಬರೆದಿರುವ ಗ್ರೀನ್ ಗರ್ಲ್ ಸಿನಿಮಾದಲ್ಲಿ ಸೂರ್ಯ ಶ್ರೀನಿ ಸಂಗೀತ ಮತ್ತು ಅಭಿನಯ್ ಪಂಡಿತ್ ಅವರ ಛಾಯಾಗ್ರಹಣವಿದೆ.
