ಭಾರತ-ಇಸ್ರೇಲ್ ಸಂಬಂಧ ಮತ್ತೊಂದು ಹಂತಕ್ಕೇರಿದೆ. ಸೇನಾ ತಂತ್ರಜ್ಞಾನದಲ್ಲಿ ನೈಪುಣ್ಯತೆ ಹೊಂದಿರುವ ಇಸ್ರೇಲ್, ಇನ್ನುಮುಂದೆ ಯುದ್ಧ ಸಾಮಗ್ರಿಗಳ ತಯಾರಿಕೆಯಲ್ಲಿ ಭಾರತದೊಂದಿಗೆ ಕಾರ್ಯ ನಿರ್ವಹಿಸಲಿದೆ.
ಇಸ್ರೇಲ್, ಭಾರತಕ್ಕೆ ಯುದ್ಧ ಸಾಮಗ್ರಿ ರಫ್ತು ಮಾಡುವ 4ನೇ ದೊಡ್ಡ ದೇಶ. ಇದೀಗ ಮತ್ತೊಂದು ಹೆಜ್ಜೆ ಮುಂದಿಟ್ಟಿರುವ ಮಿತ್ರ ರಾಷ್ಟ್ರಗಳು ಜಂಟಿಯಾಗಿ ಕ್ಷಿಪಣಿ ಉಡಾವಣಾ ಕೇಂದ್ರಗಳನ್ನು ಅಭಿವೃದ್ಧಿಪಡಿಸಲು ಮುಂದಾಗಿವೆ.
ಅತ್ಯಾಧುನಿಕ ಬರಾಕ್-8 ಉಡಾವಣಾ ವ್ಯವಸ್ಥೆಗೆ ಇಸ್ರೇಲ್ನ ಕಂಪನಿಗಳು ಮೂರು ಕೇಂದ್ರಗಳಲ್ಲಿ ಭಾರತದ ಕಂಪನಿಗಳಿಗೆ ಸಾಥ್ ನೀಡಲಿದ್ದು, ಗಡಿಯಲ್ಲಿ ಹೆಚ್ಚಿನ ಭದ್ರತೆ ಸಲುವಾಗಿ 100 ಕಿಲ್ಲರ್ ಡ್ರೋನ್ಗಳು 3500 ಕೋಟಿ ರೂಪಾಯಿ ವೆಚ್ಚದಲ್ಲಿ ತಯಾರಾಗಲಿವೆ. ಯುದ್ಧದ ಸಂದರ್ಭದಲ್ಲಿ ಕಾರ್ಯ ನಿರ್ವಹಿಸಲು ಬೆಂಕಿ ನಿರೋಧಕ ರಡಾರ್ಗಳ ಅಭಿವೃದ್ಧಿಗಾಗಿ 4,577 ಕೋಟಿ ರೂಪಾಯಿ ಮೀಸಲಿಡಲಾಗಿದ್ದು, ಮತ್ತೆರೆಡು ಫಾಲ್ಕೋನ್ ಅವಾಕ್ಸ್ ಫೈಟರ್ ವಿಮಾನಗಳಿಗಾಗಿ ಕೂಡ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಜೊತೆಗೆ ಌಂಟಿ ಏರ್ ಕ್ರಾಫ್ಟ್ ಕ್ಷಿಪಣಿಗಳು ಹಾಗೂ 2 ಸಾವಿರ ಸ್ಪೈಸ್ ಬಾಂಬ್ಗಳು ಕೂಡ ಭಾರತದ ಬತ್ತಳಿಕೆ ಸೇರಲಿವೆ.
