71ಕಿ.ಮೀ ಉದ್ದದ ದೇಶದ ಮೊದಲ ರಿಂಗ್ ಮೆಟ್ರೋ ಉದ್ಘಾಟಿಸಿದ ಪ್ರಧಾನಿ ಮೋದಿ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರು ನವದೆಹಲಿಯಲ್ಲಿ ದೇಶದ ಮೊದಲ ರಿಂಗ್ ಮೆಟ್ರೋ ಸೇರಿದಂತೆ ದೆಹಲಿ ಮೆಟ್ರೋದ ಮೂರು ಹೊಸ ಕಾರಿಡಾರ್‌ಗಳಿಗೆ ಭಾನುವಾರ(ಮಾ.8) ಚಾಲನೆ ನೀಡಿದ್ದಾರೆ.

ಪಿಂಕ್ ಲೈನ್‌ನ ಮಜಿಸ್ ಪಾರ್ಕ್-ಮೌಜ್‌ಪು‌ರ್ ಮತ್ತು ಮೆಜೆಂಟಾ ಲೈನ್‌ನ ದೀಪಾಲಿ ಚೌಕ್-ಮಜಿಸ್ ಪಾರ್ಕ್ ನಡುವಿನ ಹೊಸ ಮಾರ್ಗಗಳನ್ನು ಪ್ರಧಾನಿ ಲೋಕಾರ್ಪಣೆಗೊಳಿಸಿದರು.ಮಜಿಸ್ ಪಾರ್ಕ್ ಮತ್ತು ಮೌಜ್‌ಪು‌ರ್ ನಡುವಿನ ಸಂಪರ್ಕವು ಪೂರ್ಣಗೊಂಡಿದ್ದರಿಂದ, ದೆಹಲಿಯ 71.15 ಕಿ.ಮೀ ಉದ್ದದ ಮೆಟ್ರೋ ಮಾರ್ಗವು ಈಗ ದೇಶದ ಮೊದಲ ಸಂಪೂರ್ಣ ಕಾರ್ಯನಿರ್ವಹಿಸುವ ರಿಂಗ್ ಮೆಟ್ರೋ ಆಗಿ ಮಾರ್ಪಟ್ಟಿದೆ. ಈ ಹೊಸ ಜಾಲವು ಉತ್ತರ, ಈಶಾನ್ಯ ಮತ್ತು ವಾಯುವ್ಯ ದೆಹಲಿಯ ನಡುವೆ ನೇರ ಸಂಪರ್ಕವನ್ನು ಕಲ್ಪಿಸುತ್ತದೆ. ಇದರಿಂದ ಪ್ರಯಾಣಿಕರು ನಗರದ ಕೇಂದ್ರ ಭಾಗಕ್ಕೆ ಹೋಗದೆ ಸುತ್ತಲಿನ ಪ್ರದೇಶಗಳಿಗೆ ವೇಗವಾಗಿ ತಲುಪಲು ಸಾಧ್ಯವಾಗುತ್ತದೆ. ಈ ಸಂದರ್ಭದಲ್ಲಿ ಪ್ರಧಾನಿಯವರು ಒಟ್ಟು 33,500 ಕೋಟಿ ರೂಪಾಯಿ ವೆಚ್ಚದ ವಿವಿಧ ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದರು.