ಲಂಡನ್: ರಜಾ ದಿನಗಳಲ್ಲಿ ಶಾಲಾ ಮಕ್ಕಳಿಗೆ ಉಚಿತ ಊಟ ವಿಸ್ತರಣೆ ಯೋಜನೆ ವಿರುದ್ಧವಾಗಿ ಮತ ಚಲಾಯಿಸಿದ್ದಕ್ಕೆ ಇನ್ಫೋಸಿಸ್ ನಾರಾಯಣಮೂರ್ತಿ ಅಳಿಯ, ಯುಕೆ ಸಚಿವ ರಿಷಿ ಸುನಕ್ ಅವರಿಗೆ ಯುಕೆ ಪಬ್ ಜೀವನ ಪರ್ಯಂತ ನಿಷೇಧ ಹೇರಿದೆ.
ಆಡಳಿತರೂಢ ಕನ್ಸರ್ವೇಟಿವ್ ಪಕ್ಷದ ಹಣಕಾಸು ಸಚಿವರಾಗಿರುವ ರಿಷಿ ಸುನಕ್ ಮಾತ್ರವಲ್ಲದೆ ಅವರದೇ ಸಂಪುಟದ ದಕ್ಷಿಣ ಇಂಗ್ಲೆಂಡ್ನ ಮೂವರು ಸಂಸದರಿಗೂ ನಿಷೇಧ ವಿಧಿಸಲಾಗಿದೆ. ರಿಷಿ ಸುನಕ್ ಅವರ ರಿಚ್ಮಂಡ್ (ಯಾರ್ಕ್ಸ್) ಕ್ಷೇತ್ರ ವ್ಯಾಪ್ತಿಯಲ್ಲಿ ಬರುವ ನಾರ್ಥ್ ಯಾರ್ಕ್ಸೈರ್ನ ಸ್ಟೊಕೆಸ್ಲೇಯಲ್ಲಿರುವ ಐಎಲ್ ಮುಲಿನೋ ರೆಸ್ಟೋರೆಂಟ್ ನಿಷೇಧ ಹೇರಿದೆ.
ಇಂಗ್ಲೆಂಡ್ ಟೀಮ್ ಫುಟ್ಬಾಲರ್ ಮಾರ್ಕಸ್ ರಾಸ್ಫೋರ್ಡ್ ನೇತೃತ್ವದಲ್ಲಿ ಶಾಲಾ ಮಕ್ಕಳಿಗೆ ಸರ್ಕಾರದ ತಾತ್ಕಾಲಿಕ ಉಚಿತ ಊಟದ ಯೋಜನೆಯ ವಿಸ್ತರಣೆ ಕುರಿತು ಬಹುದೊಡ್ಡ ಅಭಿಯಾನವೇ ನಡೆಯಿತು.ಇದೇ ವಿಚಾರವಾಗಿ ವಾರದ ಆರಂಭದಲ್ಲೇ ಲಂಡನ್ನ ಹೌಸ್ ಆಫ್ ಕಾಮನ್ನಲ್ಲಿ ಚರ್ಚೆಯು ನಡೆಯಿತು. ಈ ವೇಳೆ ರಿಷಿ ಸುನಕ್ ಸೇರಿದಂತೆ ತಮ್ಮದೇ ಸರ್ಕಾರದ ಕೆಲ ಸದಸ್ಯರು ಉಚಿತ ಊಟದ ವಿರುದ್ಧವಾಗಿ ಮತ ಚಲಾಯಿಸಿದ್ದರು.ಇದರಿಂದ ಅಸಮಾಧಾನಗೊಂಡಿರುವ ದಿ ಮಿಲ್ ಆಯಂಡ್ ಮುಲಿನೋ ರೆಸ್ಟೋರೆಂಟ್ ಮಾಲೀಕ ಅಲೆಕ್ಸ್ ಕೂಕ್, ರಿಷಿ ಸುನಕ್, ಮ್ಯಾಟ್ ವಿಕ್ಕರ್ಸ್, ಸಿಮನ್ ಕ್ಲರ್ಕ್ ಮತ್ತು ಜಾಕೋಬ್ ಅವರನ್ನು ತಮ್ಮ ಪಬ್ನಿಂದ ಜೀವನ ಪರ್ಯಂತ ನಿಷೇಧ ಹೇರಿದ್ದಾರೆ. ನಮಗಿನ್ನೂ ಅವರರೊಂದಿಗೆ ಯಾವುದೇ ವ್ಯವಹಾರ ಬೇಡವೆಂದು ಹೇಳಿದ್ದಾರೆ.
ಪ್ರತಿಯೊಂದು ಚರ್ಚೆಯು ತಪ್ಪು ನಿರ್ಧಾರದಲ್ಲಿ ಅಂತ್ಯವಾಗುವ ಸರ್ಕಾರವೆಂದು ತಿಳಿದಿರಲಿಲ್ಲ. ಕೋವಿಡ್ ವಿರುದ್ಧ ಕಳಪೆ ನಿರ್ವಹಣೆಯನ್ನು ಮರೆತುಬಿಡಿ ಆದರೆ, ನಿನ್ನೆ ಏನಾಗಿದೆ ಎಂದು ನೆನಪಿನಲ್ಲಿಡಿ ಎಂದು ಸರ್ಕಾರದ ವಿರುದ್ಧ ಕುಕ್ ಹರಿಹಾಯ್ದಿದ್ದಾರೆ.
ಸರ್ಕಾರ 61 ಮತಗಳಿಂದ ಜಯಸಿದ್ದರೂ ಸಹ ಮೂರು ಪ್ರತ್ಯೇಕ ಆಹಾರ ಬ್ಯಾಂಕ್ಗಳಿಗೆ ಮುಂದಿನ ವಾರದಲ್ಲಿ ಆರೋಗ್ಯಯುತ ಆಹಾರವನ್ನು ವಿತರಿಸುವುದಾಗಿಯು ಹೇಳಿದ್ದಾರೆ. ಇದೇ ವೇಳೆ ಸರ್ಕಾರ ನಿರ್ಧಾರದ ಬಗ್ಗೆ ಮಾತನಾಡಿ ನಿಮಗೆ ನಾಚಿಕೆಯಾಗಬೇಕು. ಇದು ನಿಜಕ್ಕೂ ತಪ್ಪು ನಿರ್ಧಾರ ಎಂದು ಜರಿದಿದ್ದಾರೆ.
