ರಾಜರಾಜೇಶ್ವರಿ ನಗರ ಮತ್ತು ಶಿರಾ ಉಪಚುನಾವಣಾ ಮತದಾನ ಆರಂಭ- ಬೆಳ್ಳಂಬೆಳಗ್ಗೆ ಬಿರುಸಿನ ಮತದಾನ!!

- Advertisement -

ಬೆಂಗಳೂರು(ನ.3): ಇಂದು ರಾಜರಾಜೇಶ್ವರಿ ನಗರ ಹಾಗೂ ಶಿರಾ ವಿಧಾನಸಭಾ ಕ್ಷೇತ್ರಗಳ ಉಪಚುನಾವಣೆಗೆ ಮತದಾನ ಆರಂಭವಾಗಿದೆ. ಶಿರಾದಲ್ಲಿ ಬೆಳ್ಳಂಬೆಳಗ್ಗೆ ಹಿರಿಯ ನಾಗರೀಕರು ಉತ್ಸಾಹದಿಂದ ಮತಗಟ್ಟೆಗಳಿಗೆ ಆಗಮಿಸಿ ತಮ್ಮ ಹಕ್ಕು ಚಲಾಯಿಸುತ್ತಿದ್ದಾರೆ. ಮತದಾನದ ಆರಂಭದಲ್ಲಿ ಹಿರಿಯ ನಾಗರೀಕರಿಂದಲೇ ಹೆಚ್ಚು ಮತ ಚಲಾವಣೆ ಆಗುತ್ತಿದೆ.

ಮತ್ತೊಂದೆಡೆ ಆರ್​.ಆರ್​ ನಗರದ ಜ್ಞಾನಭಾರತಿ ವಾರ್ಡ್​​ನ ಕನ್ಯಾಕುಮಾರಿ ಶಾಲೆಯ ಮತಗಟ್ಟೆಯಲ್ಲಿ ಮತದಾರರೇ ಬಾರದೇ ತಡವಾಗಿ ಮತದಾನ ಆರಂಭವಾಯಿತು. 7:10ಕ್ಕೆ ಮೊದಲ ಮತ ಚಲಾವಣೆ ಆಯಿತು. ರಾಜರಾಜೇಶ್ವರಿನಗರ ವಿಧಾನಸಭಾ ಕ್ಷೇತ್ರದ ರಾಜರಾಜೇಶ್ವರಿನಗರ ವಾರ್ಡ್‌ನಲ್ಲಿ ಮತದಾರರು ಪರದಾಡುವಂತಾಗಿದೆ. ಬೂತ್‌ಗಳನ್ನು ಹೆಚ್ಚುವರಿಯಾಗಿ ನಿರ್ಮಿಸಲಾಗಿದೆ. ಮತದಾರರಿಗೆ ಸರಿಯಾದ ಮಾಹಿತಿ ನೀಡುತ್ತಿಲ್ಲ ಎಂಬ ಆಕ್ರೋಶ ವ್ಯಕ್ತವಾಗಿದೆ.