ಬೇಸಿಗೆಯಲ್ಲಿ ನಿರ್ಜಲೀಕರಣಗೊಳಗಾಗುವುದು ಸಾಮಾನ್ಯ. ಬಿಸಿ ವಾತಾವರಣವು ಚರ್ಮದಿಂದ ತೇವಾಂಶ ಮತ್ತು ಹೊಳಪನ್ನು ಕಿತ್ತುಹಾಕುತ್ತದೆ. ಹೆಚ್ಚಿನವರು ಸನ್ ಬರ್ನ್ ಅಥವಾ ಸನ್ ಟ್ಯಾನ್, ದದ್ದುಗಳು ಮತ್ತು ಗುಳ್ಳೆಗಳ ಸಮಸ್ಯೆಯಾದಾಗ ಸನ್‌ಸ್ಟ್ರೀನ್ ಹಚ್ಚಿಕೊಳ್ಳುತ್ತಾರೆ. ಸನ್‌ಸ್ಕ್ರೀನ್ ಹಚ್ಚಿಕೊಳ್ಳದೆಯೇ ಸನ್‌ಟ್ಯಾನ್‌ನ್ನು ಹೋಗಲಾಡಿಸಲು ಸಿಂಪಲ್ ಆಹಾರವೊಂದನ್ನು ನಾವಿಲ್ಲಿ ತಿಳಿಸಲಿದ್ದೇವೆ.
ಮೊಸರನ್ನು ಬಳಸಿ
ಮೊಸರನ್ನು ಸೇವಿಸುವುದರಿಂದ ನಿಮ್ಮ ದೇಹವನ್ನು ತಂಪಾಗಿರಿಸುತ್ತದೆ ಎನ್ನುವುದು ನಿಮಗೆ ತಿಳಿದಿರಬಹುದು. ಮೊಸರನ್ನು ನಿಮ್ಮ ಆಹಾರದಲ್ಲಿ ಸೇರಿಸುವುದರಿಂದ ಮತ್ತು ಚರ್ಮದ ಮೇಲೆ ಹಚ್ಚುವುದರಿಂದ ಬೇಸಿಗೆಯಲ್ಲಿ ಉಂಟಾಗುವ ಚರ್ಮದ ಸಮಸ್ಯೆಯಿಂದ ಮುಕ್ತಿಪಡೆಯಬಹುದು.
ಬೇಸಿಗೆಯಲ್ಲಿ ಕಳೆದುಕೊಂಡ ಕಾಂತಿ ಮರುಪಡೆಯಲು
ಹಾನಿಕಾರಕ ನೇರಳಾತೀತ ಕಿರಣಗಳು ಮತ್ತು ಸುಡುವ ಬಿಸಿ ವಾತಾವರಣವು ಚರ್ಮವನ್ನು ಟ್ಯಾನ್ ಮಾಡಲು ಅಥವಾ ಚರ್ಮದ ಸೂಕ್ಷ್ಮ ಪದರಗಳನ್ನು ಸುಡುವಂತೆ ಮಾಡುತ್ತದೆ. ಈ ಪರಿಸ್ಥಿತಿಗಳನ್ನು ತಡೆಗಟ್ಟಲು ಸನ್‌ಸ್ಕ್ರೀನ್‌ಗಳಂತಹ ಉತ್ಪನ್ನಗಳನ್ನು ಹಚ್ಚಬಹುದಾದರೂ, ಹಾಗಂತ ಯಾವಾಗಲೂ ಸನ್‌ಸ್ಕ್ರೀನ್ ಹಚ್ಚುತ್ತಾ ಇರಲು ಸಾಧ್ಯವಿಲ್ಲ. ಸನ್‌ಬರ್ನ್, ಸನ್ ಟ್ಯಾನ್ ಅಥವಾ ಗುಳ್ಳೆಗಳಿಂದ ಉಂಟಾದ ಹಾನಿಯನ್ನು ಗುಣಪಡಿಸಲು ಮತ್ತು ಚರ್ಮದ ಕಾಂತಿಯನ್ನು ಮರುಪಡೆಯಲು ಮೊಸರು ಬಹಳ ಉಪಕಾರಿಯಾಗಿದೆ.
ಮೊಸರನ್ನು ಸೇವಿಸುವುದರ ಜೊತೆಗೆ ಚರ್ಮಕ್ಕೂ ಹಚ್ಚಿಕೊಳ್ಳಿ
ಕೆಂಪು ಗುಳ್ಳೆಗಳು ಮತ್ತು ಸೂರ್ಯನ ಶಾಖವು ಸಾಮಾನ್ಯವಾಗಿ ತುರಿಕೆ, ನೋವು ಮತ್ತು ಅಸ್ವಸ್ಥತೆಯನ್ನು ಉಂಟುಮಾಡುತ್ತದೆ. ಇದನ್ನು ಔಷಧಿಗಳನ್ನು ಬಳಸಬಹುದು. ಆದರೆ ಅವೂ ಕೂಡಾ ರಾಸಾಯನಿಕಗಳಿಂದ ತುಂಬಿರುತ್ತವೆ. ಅದರ ಬದಲು ಆಹಾರದಲ್ಲಿ ತಣ್ಣನೆಯ ಮೊಸರನ್ನು ಸೇವಿಸುವುದರಿಂದ ಹಾಗೂ ಮೊಸರನ್ನು ಚರ್ಮಕ್ಕೆ ಹಚ್ಚುವುದರಿಂದ ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದರಿಂದ ಉಂಟಾಗುವ ಸಾಮಾನ್ಯ ಸಮಸ್ಯೆಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ.
ಸತ್ತ ಜೀವಕೋಶಗಳನ್ನು ತೆಗೆದುಹಾಕುತ್ತದೆ
ಇದು ಮೊಸರಿನಲ್ಲಿರುವ ಪ್ರೋಬಯಾಟಿಕ್ ಗುಣಲಕ್ಷಣಗಳಿಂದಾಗಿ, ಬಿಸಿಲು, ಗುಳ್ಳೆಗಳಿಂದ ಉಂಟಾಗುವ ನೋವು, ತುರಿಕೆ ಮತ್ತು ಅಸ್ವಸ್ಥತೆಯನ್ನು ನಿವಾರಿಸುತ್ತದೆ. ಮೊಸರಿನಲ್ಲಿ ಲ್ಯಾಕ್ಟಿಕ್ ಆಮ್ಲದ ಉಪಸ್ಥಿತಿಯು ನೈಸರ್ಗಿಕ ಎಕ್ಸ್ಫೋಲಿಯಂಟ್ ಆಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಸೋಂಕಿನ ಪದರ ಹಾಗೂ ಸತ್ತ ಜೀವಕೋಶಗಳನ್ನು ತೆಗೆದುಹಾಕುತ್ತದೆ.
ಮೊಸರಿನೊಂದಿಗೆ ಅಲೋವೆರಾ ಜೆಲ್ ಬಳಸಿ
ಮೊಸರಿನಂತಹ ಶೀತ ಆಹಾರಗಳು ಚರ್ಮದ ಗುಳ್ಳೆಗಳನ್ನು ನೈಸರ್ಗಿಕವಾಗಿ ಗುಣವಾಗಿಸುತ್ತದೆ ಮತ್ತು ದೇಹದ ಕಳೆದುಹೋದ ಪೋಷಕಾಂಶಗಳನ್ನು ಪುನಃ ತುಂಬಿಸುತ್ತದೆ.
ಸುಟ್ಟಗಾಯಗಳು ಅಥವಾ ಚರ್ಮದ ಕಂದುಬಣ್ಣವನ್ನು ಗುಣಪಡಿಸಲು ಉತ್ತಮ ಮಾರ್ಗವೆಂದರೆ ತಾಜಾ ಅಲೋವೆರಾ ಜೆಲ್ ಅನ್ನು ತಣ್ಣನೆಯ ಮೊಸರಿನೊಂದಿಗೆ ಬೆರೆಸಿ ಮತ್ತು ಪ್ರತಿದಿನ 20 ನಿಮಿಷಗಳ ಕಾಲ ಹಚ್ಚಿ ನಂತರ ತೊಳೆಯಿರಿ. ಚರ್ಮದ ಸಮಸ್ಯೆಗಳನ್ನು ಗುಣಪಡಿಸಲು ಇದು ಸಹಾಯ ಮಾಡುತ್ತದೆ.
