ಮೊಸರಿನ ಸೇವನೆ ಆರೋಗ್ಯಕ್ಕೆ ಒಳ್ಳೆಯದು, ಹಾಗೆಯೇ ಮೊಸರನ್ನು ಚರ್ಮಕ್ಕೆ ಹಚ್ಚಿಕೊಳ್ಳುವುದರಿಂದ ಅನೇಕ ಲಾಭಗಳಿವೆ. ಅವುಗಳು ಯಾವುವು ಅನ್ನೋದನ್ನು ನೋಡೋಣ.
ಸೆಕೆಗಾಲದಲ್ಲಿ ನಾವು ನಮ್ಮನ್ನು ಎಷ್ಟು ತಂಪಾಗಿರಿಸಿದರೂ ಸಾಕಾಗುವುದಿಲ್ಲ, ಎಷ್ಟೇ ನೀರು, ಜ್ಯೂಸ್, ಎಳನೀರು, ಮಜ್ಜಿಗೆ ಕುಡಿದರೂ ನಮ್ಮ ದೇಹವನ್ನು ತಂಪಾಗಿರಿಸುವುದು ಅತ್ಯಗತ್ಯವಾಗಿದೆ. ಸೆಕೆಗಾಲದಲ್ಲಿ ಮೊಸರು ನಮ್ಮ ಆಹಾರದ ಒಂದು ಭಾಗವಾಗಿಬಿಟ್ಟಿರುತ್ತದೆ. ಮೊಸರಿನ ಸೇವನೆಯು ನಮ್ಮ ದೇಹವನ್ನು ಯಾವ ರೀತಿ ತಂಪಾಗಿರಿಸುತ್ತದೆಯೋ ಹಾಗೆಯೇ ಮುಖಕ್ಕೆ ಮೊಸರನ್ನು ಹಚ್ಚಿಕೊಳ್ಳುವುದರಿಂದಲೂ ಅನೇಕ ಲಾಭಗಳಿವೆ.
ಮೊಸರಿನಲ್ಲಿ ವಿಟಮಿನ್ ಸಿ ಹಾಗೂ ಪ್ರೊಟೀನ್ ಅಧಿಕ ಪ್ರಮಾಣದಲ್ಲಿ ಇರುತ್ತದೆ. ಇದರಲ್ಲಿರುವ ಪ್ರೋಬಯೋಟಿಕ್ ತ್ವಚೆಯಲ್ಲಿರುವ ಪೋಷಕ ತತ್ವವನ್ನು ಅಪೂರ್ತಿ ಗೊಳಿಸುತ್ತದೆ. ಮೊಸರಿನಲ್ಲಿರುವ ಲ್ಯಾಕ್ಟಿಕ್ ಆಸಿಡ್ ಹಾಗೂ ಆಲ್ಫಹೈಡ್ರಾಕ್ಸಿ ಸತ್ತ ತ್ವಚೆಯ ಕೋಶಗಳನ್ನು ಶುಚಿ ಗೊಳಿಸುತ್ತದೆ.
ಮೊಡವೆಗಳ ಸಮಸ್ಯೆ
ಮೊಸರಿನಲ್ಲಿರುವ ವಿಟಮಿನ್ ಸಿ ಯು ಮೊಡವೆಗಳ ವಿರುದ್ಧ ಹೋರಾಡಲು ಹಾಗೂ ಮೊಡವೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ತ್ವಚೆಯನ್ನು ತಂಪಾಗಿರಿಸುವುದಲ್ಲದೆ ತ್ವಚೆಯನ್ನು ಶುಚಿಯಾಗಿಡುತ್ತದೆ. ಸತ್ತ ಚರ್ಮಕೋಶವನ್ನು ಶುಚಿಗೊಳಿಸುತ್ತದೆ.
ಒಣ ತ್ವಚೆಯ ಸಮಸ್ಯೆ
ಒಣ ತ್ವಚೆ ಸಮಸ್ಯೆಇರುವವರು ಮೊಸರನ್ನು ಚರ್ಮಕ್ಕೆ ಹಚ್ಚಿಕೊಂಡರೆ ಉತ್ತಮ ಪರಿಣಾಮವನ್ನು ನೀಡುತ್ತದೆ. ಇದು ಚರ್ಮವನ್ನು ಒಳಗಿನಿಂದ ಹೈಡ್ರೇಟ್ ಆಗಿರಿಸುತ್ತದೆ. ತ್ವಚೆಯನ್ನು ಮಾಯಿಶ್ಚರೈಸ್ ಆಗಿರಿಸುತ್ತದೆ. ತ್ವಚೆಯಲ್ಲಿ ಮಾಯಿಶ್ಚರೈಸರ್ನ ಕೊರತೆ ಇದ್ದರೆ ಚರ್ಮವು ಒಣಗಿದಂತಾಗುತ್ತದೆ. ಹಾಗಾಗಿ ಒಣ ತ್ವಚೆ ಇರುವವರಿಗೆ ಮೊಸರು ಬಹಳ ಉಪಕಾರಿಯಾಗಿದೆ.
ಸನ್ಬರ್ನ್ ಹಾಗೂ ಪಿಗ್ಮೆಂಟೇಶನ್
ಸನ್ಬರ್ನ್ ಹಾಗೂ ಪಿಗ್ಮೆಂಟೇಶನ್ ನಿಮ್ಮ ತ್ವಚೆಯ ಹೊಳಪನ್ನು ಹಾಳುಮಾಡುವುದಲ್ಲದೆ ಮುಖದಲ್ಲಿ ಕಲೆಯನ್ನು ಉಂಟು ಮಾಡುತ್ತದೆ. ಇದರಿಂದ ತ್ವಚೆಯು ಕ್ರಮೇಣವಾಗಿ ಕಳೆಗುಂದಲು ಆರಂಭಿಸುತ್ತದೆ. ಮೊಸರಿನಲ್ಲಿರುವ ಆರೋಗ್ಯಕರ ಕೊಬ್ಬು ನಿಮ್ಮ ಚರ್ಮವನ್ನು ಹೈಡ್ರೇಟ್ ಆಗಿರಿಸುತ್ತದೆ. ತ್ವಚೆಯ ಪಿಹೆಚ್ ಮಟ್ಟವನ್ನು ಸುಧಾರಿಸುತ್ತಾ ಸನ್ ಟ್ಯಾನ್ ಹಾಗೂ ಪಿಗ್ಮೆಂಟೇಶನ್ನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ವಯಸ್ಸಾದ ಚಿಹ್ನೆಗಳು
ಈಗಿನ ಜೀವನಶೈಲಿಯಿಂದಾಗಿ ಮುಖದಲ್ಲಿ ನೆರಿಗೆಗಳು ಬಹಳ ಬೇಗನೆ ಮೂಡುತ್ತವೆ. ಮೊಸರು ತ್ವಚೆಯ ಫ್ರೀ ರೆಡಿಕಲ್ಸ್ನ ಕಾರಣದಿಂದ ಉಂಟಾಗುವ ಸಮಸ್ಯೆಯಿಂದ ರಕ್ಷಿಸುತ್ತದೆ. ಜೊತೆಗೆ ಮೊಸರಿನಲ್ಲಿರುವ ಆರೋಗ್ಯಕರ ಕೊಬ್ಬಿನ ಅಂಶವು ನಿಮ್ಮ ತ್ವಚೆಯ ಹೊಳಪನ್ನು ಹೆಚ್ಚಿಸುತ್ತದೆ. ಕಳೆಗುಂದಿದ ತ್ವಚೆಯನ್ನು ಮತ್ತೆ ಕೋಮಲವಾಗಿರಿಸಲು ಸಹಾಯ ಮಾಡುತ್ತದೆ.
ಚರ್ಮದ ಅಲರ್ಜಿ
ಮುಖದಲ್ಲಿ ಅಥವಾ ಚರ್ಮದಲ್ಲಿ ಯಾವುದೇ ಅಲರ್ಜಿ ಉಂಟಾದರೆ ಮೊಸರನ್ನು ಹಚ್ಚುವುದು ಬಹಳ ಹಿಂದಿನ ಕಾಲದಿಂದಲೂ ತಿಳಿದಿರುವ ಮನೆಮದ್ದಾಗಿದೆ. ಮೊಸರಿನಲ್ಲಿರುವ ವಿಟಮಿನ್ ಸಿ ಅಂಶವು ಅಲರ್ಜಿಯನ್ನು ಕಡಿಮೆ ಮಾಡುತ್ತದೆ ಜೊತೆಗೆ ಶರೀರವನ್ನು ಚರ್ಮವನ್ನು ಒಳಗಿನಿಂದ ತಂಪಾಗಿರಿಸುತ್ತದೆ.
ಇವುಗಳನ್ನು ನೆನಪಿನಲ್ಲಿಟ್ಟುಕೊಳ್ಳಿ
- ಹೆಚ್ಚು ಹುಳಿಯಾಗಿರುವ ಮೊಸರನ್ನು ಹಚ್ಚುವುದರಿಂದ ಅಲರ್ಜಿ ಉಂಟಾಗುವ ಸಾಧ್ಯತೆ ಇದೆ.
- ಹೆಚ್ಚು ಗಂಟೆಗಳ ಕಾಲ ಮೊಸರನ್ನು ಮುಖದಲ್ಲಿ ಹಚ್ಚಿಡುವುದರಿಂದ ನಿಮ್ಮ ಚರ್ಮವು ಎಣ್ಣೆಯುಕ್ತವಾಗಬಹುದು.
- ಯಾರಿಗೆ ಹಾಲಿನ ಉತ್ಪನ್ನ ಬಳಸುವಾಗ ಅಲರ್ಜಿ ಉಂಟಾಗುತ್ತದೆಯೋ ಅಂತಹವರು ಮೊಸರನ್ನು ಹಚ್ಚುವುದು ಸೂಕ್ತವಲ್ಲ