ಹೊಸದಿಲ್ಲಿ: ಕೇರಳ ರಾಜ್ಯದ ಹೆಸರನ್ನು ‘ಕೇರಳ’ದಿಂದ ‘ಕೇರಳಂ’ ಎಂದು ಬದಲಾಯಿಸುವ ಕೇರಳ (ಹೆಸರು ಬದಲಾವಣೆ) ಮಸೂದೆ, 2026ಕ್ಕೆ ರಾಷ್ಟ್ರಪತಿ ದೌಪದಿ ಮುರ್ಮು ಅವರು ಒಪ್ಪಿಗೆ ನೀಡಿದ್ದಾರೆ. ಇದರೊಂದಿಗೆ ರಾಜ್ಯದ ಹೆಸರು ಬದಲಾಯಿಸುವ ಮಸೂದೆ ಕಾನೂನಾಗಿ ಮಾರ್ಪಟ್ಟಿದೆ.ಈ ಮಸೂದೆಯನ್ನು ಮಂಗಳವಾರ ಲೋಕಸಭೆ ಅಂಗೀಕರಿಸಿತ್ತು.
ಮರುದಿನ ಬುಧವಾರ ರಾಜ್ಯಸಭೆಯೂ ಧ್ವನಿ ಮತದ ಮೂಲಕ ಮಸೂದೆಗೆ ಅನುಮೋದನೆ ನೀಡಿತ್ತು. ಬಳಿಕ ಮಸೂದೆ ರಾಷ್ಟ್ರಪತಿಗಳ ಒಪ್ಪಿಗೆಗಾಗಿ ಕಳುಹಿಸಲಾಗಿತ್ತು. ರಾಷ್ಟ್ರಪತಿಗಳು ಒಪ್ಪಿಗೆ ನೀಡಿರುವುದರಿಂದ ಹೆಸರು ಬದಲಾವಣೆಗೆ ಕಾನೂನುಬದ್ಧ ಅನುಮೋದನೆ ದೊರೆತಿದೆ.ಸಂವಿಧಾನದಲ್ಲೂ ಬದಲಾವಣೆ’ಕೇರಳ’ ಎಂಬ ಹೆಸರನ್ನು ‘ಕೇರಳಂ’ ಎಂದು ಬದಲಾಯಿಸುವುದಕ್ಕಾಗಿ ಸಂವಿಧಾನದ ಮೊದಲ ವೇಳಾಪಟ್ಟಿಗೆ ತಿದ್ದುಪಡಿ ಮಾಡಲಾಗುತ್ತದೆ. ಸಂವಿಧಾನದ 3ನೇ ವಿಧಿಯ ಅಡಿಯಲ್ಲಿ ಈ ತಿದ್ದುಪಡಿ ನಡೆಯಲಿದೆ.
ಸಂವಿಧಾನದ ಮೊದಲ ವೇಳಾಪಟ್ಟಿಯಲ್ಲಿ ದೇಶದ ರಾಜ್ಯಗಳ ಹೆಸರುಗಳಿವೆ. ಈ ಪಟ್ಟಿಯಲ್ಲಿ ಈಗಿರುವ ‘ಕೇರಳ’ ಎಂಬ ಹೆಸರಿನ ಬದಲಿಗೆ ‘ಕೇರಳಂ’ ಎಂದು ದಾಖಲಿಸಲಾಗುತ್ತದೆ.2024ರಲ್ಲಿ ಆರಂಭವಾಗಿದ್ದ ಪ್ರಕ್ರಿಯೆರಾಜ್ಯದ ಹೆಸರು ಬದಲಾವಣೆಯ ಪ್ರಕ್ರಿಯೆ 2024ರಲ್ಲೇ ಆರಂಭವಾಗಿತ್ತು.
ಕೇರಳ ವಿಧಾನಸಭೆಯು 2024ರಲ್ಲಿ ರಾಜ್ಯದ ಹೆಸರನ್ನು ‘ಕೇರಳಂ’ ಎಂದು ಬದಲಾಯಿಸುವಂತೆ ಕೇಂದ್ರ ಸರಕಾರವನ್ನು ಒತ್ತಾಯಿಸಿ ನಿರ್ಣಯ ಅಂಗೀಕರಿಸಿತ್ತು.
ಕೇರಳ ಸರಕಾರವು 2024ರ ಜೂನ್ನಲ್ಲಿ ವಿಧಾನಸಭೆಯ ನಿರ್ಣಯವನ್ನು ಕೇಂದ್ರ ಸರಕಾರಕ್ಕೆ ಕಳುಹಿಸಿತ್ತು.ನಂತರ ರಾಷ್ಟ್ರಪತಿಗಳು ಈ ಪ್ರಸ್ತಾವವನ್ನು ಕೇರಳ ವಿಧಾನಸಭೆಯ ಅಭಿಪ್ರಾಯಕ್ಕಾಗಿ ಕಳುಹಿಸಿದ್ದರು. ಬಳಿಕ ಕೇರಳ ವಿಧಾನಸಭೆಯು ಹೆಸರು ಬದಲಾವಣೆಗೆ ಒಪ್ಪಿಗೆ ಸೂಚಿಸುವ ಸರ್ವಾನುಮತದ ನಿರ್ಣಯವನ್ನು ಅಂಗೀಕರಿಸಿತು.
