ಹೊಟೇಲ್ ನಲ್ಲಿ ಬಿರಿಯಾನಿ ಸೇವಿಸಿದ ಬಾಲಕಿ ಸಾವು; ತಂದೆ, ತಾಯಿ ಸೇರಿ 29 ಮಂದಿ ಆಸ್ಪತ್ರೆಗೆ ದಾಖಲು

ತಿರುವಣ್ಣಾಮಲೈ: ಹೋಟೆಲ್‌ನಿಂದ ಆಹಾರ ಸೇವಿಸಿದ ಬಳಿಕ ದುರಂತ ಘಟನೆಯಲ್ಲಿ 10 ವರ್ಷದ ಬಾಲಕಿ ಸಾವನ್ನಪ್ಪಿದ್ದು, 29 ಮಂದಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಇವರು ತಮಿಳುನಾಡಿನ ತಿರುವಣ್ಣಾಮಲೈ ಜಿಲ್ಲೆಯ ಸಮೀಪದ ಆರಣಿಯ ಹೋಟೆಲ್‌ನಿಂದ ಆಹಾರ ಸೇವಿಸಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಅರನಿ ಬಸ್ ನಿಲ್ದಾಣದ ಬಳಿಯಿರುವ 7 ಸ್ಟಾರ್ ಹೋಟೆಲ್‌ನಲ್ಲಿ ಆಹಾರ ಸೇವಿಸಿದ ಜನರಲ್ಲಿ ವಾಂತಿ ಮತ್ತು ತಲೆತಿರುಗುವಿಕೆಯ ಲಕ್ಷಣಗಳು ಕಂಡು ಬಂದಿದೆ.

ಆನಂದ್ ಮತ್ತು ಆತನ ಕುಟುಂಬ ಹೋಟೆಲ್‌ನಲ್ಲಿ ಬಿರಿಯಾನಿ ಮತ್ತು ಚಿಕನ್ ಸೇವಿಸಿದ್ದಾರೆ ಎಂದು ಹೇಳಲಾಗಿದೆ. ಸ್ವಲ್ಪ ಸಮಯದ ನಂತರ, ಆನಂದ್, ಆತನ ಪತ್ನಿ ಪ್ರಿಯದರ್ಶಿನಿ, ಮಗ ಚರಣ್ ಮತ್ತು ಮಗಳು ಲೋಶಿನಿ ಅಸ್ವಸ್ಥರಾಗಿದ್ದಾರೆ.

ತಕ್ಷಣ ಕುಟುಂಬವನ್ನು ಆರಣಿ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು ಆದರೆ, 10 ವರ್ಷದ ಲೋಶಿನಿ ಮೃತಪಟ್ಟಿದ್ದಾರೆ.