ಇಡೀ ಜಗತ್ತನ್ನೇ ತಲ್ಲಣಗೊಳಿಸಿರುವ ಮಾರಕ ಕೊರೋನಾ ವೈರಸ್ ಬಳಿಕ ಬಬೊನಿಕ್ ಪ್ಲೇಗ್ ಎಂಬ ಮತ್ತೊಂದು ರೋಗ ಚೀನಾದಲ್ಲಿ ಕಾಣಿಸಿಕೊಂಡಿತ್ತು. ಮೊದಲಿಗೆ ಮಂಗೋಲಿಯಾಗೆ ಹೊಂದಿಕೊಂಡಿರುವ ಚೀನಾದ ವ್ಯಾಪ್ತಿಯಲ್ಲಿರುವ ಬಯನ್ನೂರ್ ಪ್ರದೇಶದಲ್ಲಿ ಈ ರೋಗ ಕಾಣಿಸಿಕೊಂಡಿತ್ತು.
ಬಳಿಕ ಕೇವಲ ಚೀನಾ ಮಾತ್ರವಲ್ಲದೇ ಭಾರತದಲ್ಲೂ ಇದರ ಆರ್ಭಟ ಮುಂದುವರಿದಿದೆ. ಈ ಬಬೊನಿಕ್ ಪ್ಲೇಗ್ ರೋಗ ಕಾಣಿಸಿಕೊಂಡ ಬೆನ್ನಲ್ಲೇ ಸುಮಾರು ಆರು ತಿಂಗಳುಗಳ ಕಾಲ ರೆಡ್ ಅಲರ್ಟ್ ಜಾರಿಯಲ್ಲಿತ್ತು. ಈಗ ಮತ್ತೆ ಬಬೊನಿಕ್ ಪ್ಲೇಗ್ ರೋಗ ಸುದ್ದಿಯಾಗುತ್ತಿದೆ.
ಹೌದು, ರಷ್ಯಾದ ಪ್ರಖ್ಯಾತ ವೈದ್ಯರೊಬ್ಬರು ಜಾಗತಿಕ ತಾಪಮಾನ ಏರಿಕೆಯಿಂದ ಮತ್ತೆ ಬಬೊನಿಕ್ ಪ್ಲೇಗ್ ಕಾಣಿಸಿಕೊಳ್ಳಲಿದೆ ಎಂದು ಹೇಳಿದ್ದಾರೆ.
ಒಂದು ವೇಳೆ ರೋಗ ಕಾಣಿಸಿಕೊಂಡಲ್ಲಿ ಬೀದಿಯಲ್ಲೇ ಹೆಣಗಳು ಬೀಳುತ್ತವೆ ಎಂಬ ಆಘಾತಕಾರಿ ಸುದ್ದಿಯೊಂದು ತಿಳಿಸಿದ್ದಾರೆ. ಇತ್ತೀಚಿನ ಅಧಿಕೃತ ವರದಿಯೊಂದರ ಪ್ರಕಾರ ಅಳಿಲಿನಲ್ಲಿ ಬಬೋನಿಕ್ ಪ್ಲೇಗ್ ಕಾಣಿಸಿಕೊಂಡಿದೆ. ಈ ಬಬೊನಿಕ್ ಪ್ಲೇಗ್ ಕೂಡ ಚೀನಾದಲ್ಲೇ ಹುಟ್ಟಿದ್ದು. ಕೆಲವೇ ದಿನಗಳ ಹಿಂದೆ ಚೀನಾ ಈ ಬಗ್ಗೆ ಎಚ್ಚರಿಕೆ ನೀಡಿತ್ತು.
ಬಬೋನಿಕ್ ಪ್ಲೇಗ್ ಹುಟ್ಟುವುದು ಇಲಿ, ಅಳಿಲಿನಂತಹ ಮಾರ್ಮೋಟ್ ಜಾತಿಗೆ ಸೇರಿದ ಪ್ರಾಣಿಗಳಿಂದ. ಈ ರೋಗ ಹೊಂದಿದ ಪ್ರಾಣಿಗಳ ಮಾಂಸ ತಿಂದರೆ ಮನುಷ್ಯರಿಗೂ ಸೋಂಕು ತಗುಲುತ್ತದೆ. ಇದಕ್ಕೆ 24 ಗಂಟೆಯಲ್ಲಿ ಸೂಕ್ತ ಚಿಕಿತ್ಸೆ ದೊರೆಯದಿದ್ದರೆ ಸಾವು ನಿಶ್ಚಿತ ಎಂದು ಎಚ್ಚರಿಕೆ ನೀಡಿತ್ತು.
ಇನ್ನು, ಬಬೋನಿಕ್ ಪ್ಲೇಗ್ ಕಾಣಿಸಿಕೊಂಡವರಲ್ಲಿ ಜ್ವರ, ತಲೆನೋವು, ಶೀತ, ವೀಕ್ನೆಸ್ ಕಾಣಿಸಿಕೊಳ್ಳುತ್ತದೆ. ಅಷ್ಟೇ ಅಲ್ಲ, ಮೈಮೇಲೆ ನೋವಿನ ಗುಳ್ಳೆಗಳೂ ಏಳುತ್ತವೆ. ಯುರೋಪ್ನಲ್ಲಿ 1347 ಮತ್ತು 1351ರ ನಡುವೆ ಈ ಬಬೊನಿಕ್ ಪ್ಲೇಗ್ ವಿಪರೀತವಾಗಿ ಹರಡಿತ್ತು. ಅದೆಷ್ಟೋ ಜನರು ಪ್ರಾಣ ಕಳೆದುಕೊಂಡಿದ್ದರು.