ಮೊಟ್ಟೆಯಲ್ಲಿ ಹಲವಾರು ಪೋಷಕಾಂಶಗಳಿವೆ ಅದನ್ನು ತಿನ್ನುವುದರಿಂದ ದೇಹಕ್ಕೆ ಎಲ್ಲಾ ರೀತಿಯ ಲಾಭಗಳು ಸಿಗುತ್ತವೆ. ಹಾಗೆಯೇ ಮೊಟ್ಟೆಯನ್ನು ಕೂದಲಿಗೆ ಹಚ್ಚುವುದರಿಂದ ಕೂದಲಿಗೆ ಹೊಳಪು ಸಿಗುತ್ತದೆ.
ಚರ್ಮದ ಮೇಲೆ ಮೊಟ್ಟೆಗಳನ್ನು ಹೇಗೆ ಮತ್ತು ಯಾವ ರೂಪದಲ್ಲಿ ಹಚ್ಚಬಹುದು ಎಂಬುದನ್ನು ನಾವಿಲ್ಲಿ ನೋಡೋಣ.
ಮೊಡವೆಗಳನ್ನು ದೂರ ಇಡುತ್ತದೆ
ಮೊಡವೆ ಸಮಸ್ಯೆಯಲ್ಲೂ ಮೊಟ್ಟೆ ಕೆಲಸ ಮಾಡುತ್ತದೆ. ಇದಕ್ಕಾಗಿ, ಒಂದು ಮೊಟ್ಟೆಯ ಬಿಳಿಭಾಗವನ್ನು ತೆಗೆದುಕೊಂಡು, ಅದಕ್ಕೆ ಸ್ವಲ್ಪ ಮೊಸರು ಸೇರಿಸಿ ಮತ್ತು ಅವಕಾಡೊವನ್ನು ಮ್ಯಾಶ್ ಮಾಡಿ ಮತ್ತು ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ನಯವಾಗಿ ಮಾಡಿ ನಂತರ ಮುಖಕ್ಕೆ ಹಚ್ಚಿಕೊಳ್ಳಿ.
ಇದರಿಂದ ಮೊಡವೆಗಳ ಸಮಸ್ಯೆ ದೂರವಾಗುತ್ತದೆ ಮತ್ತು ಅವುಗಳ ಕಲೆಗಳು ಕೂಡ ಕಾಣಿಸುವುದಿಲ್ಲ. 20 ನಿಮಿಷಗಳ ನಂತರ ಪ್ಯಾಕ್ ಅನ್ನು ತೊಳೆಯಿರಿ ಮತ್ತು ಮುಖವನ್ನು ತೇವಗೊಳಿಸಿ.
ಒಣ ಚರ್ಮಕ್ಕಾಗಿ ಈ ಪ್ಯಾಕ್ ಅನ್ನು ಹಚ್ಚಿರಿ
ನಿಮ್ಮ ಚರ್ಮವು ಒಣಗಿದ್ದರೆ ಮಾಯಿಶ್ಚರೈಸರ್ ಹಚ್ಚಿದ ನಂತರ ಈ ವಿಧಾನವನ್ನು ಅನುಸರಿಸಿ. ಇದಕ್ಕಾಗಿ, ಒಂದು ಮೊಟ್ಟೆಯ ಬಿಳಿಭಾಗವನ್ನು ತೆಗೆದುಕೊಂಡು ಅದಕ್ಕೆ ಒಂದು ಸಣ್ಣ ಚಮಚ ಜೇನುತುಪ್ಪವನ್ನು ಸೇರಿಸಿ. ಇದನ್ನು ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿಕೊಳ್ಳಿ. ಈಗ 15 ರಿಂದ 20 ನಿಮಿಷಗಳ ನಂತರ ತಣ್ಣೀರಿನಿಂದ ಮುಖವನ್ನು ತೊಳೆಯಿರಿ. ಇದು ಒಣ ಚರ್ಮವನ್ನು ತೇವಗೊಳಿಸುತ್ತದೆ.
ಬ್ಲ್ಯಾಕೆಡ್ಸ್‌ಗಳಿಗೆ ಮೊಟ್ಟೆಯನ್ನು ಹೇಗೆ ಬಳಸುವುದು?
ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ಹೆಚ್ಚಿನವರಲ್ಲಿದೆ. ಗಲ್ಲದ ಭಾಗದಲ್ಲಿ ಮೂಗಿನ ತುದಿಗಳಲ್ಲಿ, ಕೆನ್ನೆಯಲ್ಲಿ ನೀವು ಹೆಚ್ಚಾಗಿ ಬ್ಲ್ಯಾಕ್‌ಹೆಡ್ಸ್‌ನ್ನು ಕಾಣಬಹುದು. ಮೊಟ್ಟೆಯ ಬಿಳಿಭಾಗವು ಇದಕ್ಕೆ ತುಂಬಾ ಪರಿಣಾಮಕಾರಿ ಎಂದು ಸಾಬೀತುಪಡಿಸುತ್ತದೆ.
ಈ ಪ್ಯಾಕ್ ಮಾಡಲು, ಒಂದು ಮೊಟ್ಟೆಯ ಬಿಳಿಭಾಗವನ್ನು ತೆಗೆದುಕೊಳ್ಳಿ, ಅದಕ್ಕೆ ಸ್ವಲ್ಪ ಕಾರ್ನ್ ಸ್ಟಾರ್ಚ್ ಪೌಡರ್ ಸೇರಿಸಿ ಮತ್ತು ಒಂದು ಸಣ್ಣ ಚಮಚ ಸಕ್ಕರೆ ಸೇರಿಸಿ. ಈಗ ಮೂರನ್ನೂ ಮಿಕ್ಸ್ ಮಾಡಿ ಬ್ಲ್ಯಾಕ್ ಹೆಡ್ಸ್ ಮೇಲೆ ಹಚ್ಚಿ. ಸ್ವಲ್ಪ ಸಮಯ ಬಿಟ್ಟು ನಂತರ ತೊಳೆಯಿರಿ. ಇದರಿಂದ ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ನಿವಾರಣೆಯಾಗುತ್ತದೆ.
ಸನ್‌ಟ್ಯಾನ್‌ಗೆ
ಟ್ಯಾನಿಂಗ್‌ಗಾಗಿ, ನೀವು ಮೊಟ್ಟೆಗಳಲ್ಲಿ ಜೇನುತುಪ್ಪ ಮತ್ತು ನಿಂಬೆ ಮಿಶ್ರಣ ಹಾಕಬಹುದು. ಮುಖದ ಮೇಲೆ ನೈಸರ್ಗಿಕ ಹೊಳಪನ್ನು ತರಲು, ಮೊಟ್ಟೆಗೆ ಒಂದು ಚಮಚ ಮೊಸರು ಮತ್ತು ಸೌತೆಕಾಯಿ ರಸವನ್ನು ಬೆರೆಸಿ ಹಚ್ಚಿ. ಇದರ ವಾಸನೆಯನ್ನು ಹೋಗಲಾಡಿಸಲು ನೀವು ರೋಸ್ ವಾಟರ್ ಅನ್ನು ಬಳಸಬಹುದು.
ಸುಕ್ಕುಗಳನ್ನು ಕಡಿಮೆ ಮಾಡುತ್ತದೆ
ಮುಖದ ಮೇಲೆ ಬಂದಿರುವ ಸುಕ್ಕುಗಳನ್ನು ಹೋಗಲಾಡಿಸುವಲ್ಲಿಯೂ ಈ ಪ್ಯಾಕ್ ಸಹಕಾರಿ. ಇದಕ್ಕಾಗಿ ಮೊಟ್ಟೆಯ ಬಿಳಿಭಾಗಕ್ಕೆ ಅರಿಶಿನ ಬೆರೆಸಿ ಲೇಪಿಸಬೇಕು. ಇದು ಕ್ರಮೇಣ ನಿಮ್ಮ ಮುಖದ ಸೂಕ್ಷ್ಮ ರೇಖೆಗಳು ಮತ್ತು ಸುಕ್ಕುಗಳನ್ನು ನಿವಾರಿಸುತ್ತದೆ.
