ದೆಹಲಿಯ ಕೋವಿಡ್ ಕೇರ್ ಸೆಂಟರ್ ಗೆ ₹2 ಕೋಟಿ ನೆರವು ನೀಡಿದ ಬಿಗ್ ಬಿ

- Advertisement -

ನವದೆಹಲಿ: ಬಾಲಿವುಡ್ ಹಿರಿಯ ನಟ ಅಮಿತಾಬ್ ಬಚ್ಚನ್ ದೆಹಲಿಯ ಗುರುದ್ವಾರದ ರಕಬ್ ಗಂಜ್ ಕೋವಿಡ್ ಕೇರ್ ಸೆಂಟರ್ಗೆ 2 ಕೋಟಿ ರೂಪಾಯಿ ದೇಣಿಗೆ ನೀಡಿದ್ದಾರೆ.

ಈ ಬಗ್ಗೆ ದೆಹಲಿ ಸಿಖ್ ಗುರುದ್ವಾರ ನಿರ್ವಹಣಾ ಸಮಿತಿ ಅಧ್ಯಕ್ಷ ಮಜೀಂದರ್ ಸಿಂಗ್ ಸಿರ್ಸಾ ಟ್ವಿಟರ್​​​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಈ ಸೆಂಟರ್​​ ಇಂದು ಉದ್ಘಾಟನೆ ಆಗಲಿದ್ದು 400 ಹಾಸಿಗಳ ಸಾಮರ್ಥ್ಯವನ್ನು ಹೊಂದಿದೆ. ಇಲ್ಲಿ 300 ಹಾಸಿಗಳ ವ್ಯವಸ್ಥೆಯನ್ನು ಅಮಿತಾಬ್ ಬಚ್ಚನ್ ಮಾಡಿರುವುದು ವಿಶೇಷ.

ಇನ್ನು ಕೋವಿಡ್​ ಕೇರ್​ ಸೆಂಟರ್​​ಗೆ ವಿದೇಶದಿಂದ ಆಕ್ಸಿಜನ್ ಕಾನ್ಸಂಟ್ರೇಟರ್​​ಗಳು​ ಪೂರೈಕೆಯಾಗುವಂತೆ ಕೂಡ ಅಮಿತಾಬ್ ಬಚ್ಚನ್ ನೋಡಿಕೊಂಡಿದ್ದಾರೆ ಎಂದು ಸಿರ್ಸಾ ತಿಳಿಸಿದ್ದಾರೆ.