ಡ್ರೈವಿಂಗ್ ತರಬೇತಿ ವೇಳೆ ಯುವತಿಗೆ ಕಿರುಕುಳ- ತರಬೇತುದಾರ ಬಂಧನ

ಡ್ರೈವಿಂಗ್ ತರಬೇತಿ ನೀಡುವಾಗ 18 ವರ್ಷದ ಯುವತಿಗೆ ಕಿರುಕುಳ ನೀಡಿದ ತರಬೇತುದಾರನನ್ನು ತಿರುವನಂತಪುರದ ಮಾರನಲ್ಲೂರಿನಲ್ಲಿ ಬಂಧಿಸಿದ ಘಟನೆ ನಡೆದಿದೆ.

ಮಾರನಲ್ಲೂರು ಮೂಲದ ಸುರೇಶ್ ಬಂಧಿತ ಡ್ರೈವಿಂಗ್‌ ಮಾಸ್ಟರ್‌.

ಬುಧವಾರ ಬೆಳಗ್ಗೆ 10.30ರ ಸುಮಾರಿಗೆ ಈ ಘಟನೆ ನಡೆದಿದ್ದು, ಮರನೆಲ್ಲೂರಿನ ವಂದನ್ನೂರು ಪ್ರದೇಶದಲ್ಲಿ ಡ್ರೈವಿಂಗ್ ಅಭ್ಯಾಸದ ವೇಳೆ ತರಬೇತುದಾರ ಸುರೇಶ್ ಎಂಬಾತ ಯುವತಿಯೊಂದಿಗೆ ಅಸಭ್ಯವಾಗಿ ವರ್ತಿಸಿದ್ದಾನೆ ಎಂದು ತಿಳಿದುಬಂದಿದೆ. ಯುವತಿ ಆತನ ದುರ್ವರ್ತನೆಯನ್ನು ಪ್ರಶ್ನಿಸಿದಾಗ ಆತ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ ಎಂದು ಆರೋಪಿಸಲಾಗಿದೆ.

ಬಾಲಕಿ ಗಲಾಟೆ ಮಾಡಿದಾಗ ಸ್ಥಳೀಯರು ಧಾವಿಸಿ ಸುರೇಶನನ್ನು ಹಿಡಿದಿದ್ದಾರೆ ಮತ್ತು ಆತನನ್ನು ಪೊಲೀಸರಿಗೆ ಒಪ್ಪಿಸಲಾಯಿತು. ಸಂತ್ರಸ್ತೆಯ ದೂರಿನ ಮೇರೆಗೆ ಮಾರನೆಲ್ಲೂರು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.;